Монгол Улсын Ерөнхийлөгчийн 2021 оны 05 дугаар сарын 14-ний өдрийн 94 дүгээр зарлигаар эрхэлсэн ажилдаа амжилт гаргасан Сэлэнгэ аймгийн харьяат зарим иргэдийг төрийн одон медалиар шагнасан байна. Аймаг орон нутгаа хөгжүүлэх үйлсэд хөдөлмөр зүтгэлээ зориулсан иргэдийн шагналыг аймгийн ИТХ-ын дарга Б.Нарантуяа, аймгийн Засаг дарга Ш.Оргил, Сэлэнгэ аймгаас УИХ-д сонгогдсон гишүүн Ж.Эрдэнэбат, Ч.Ундрам, Д.Өнөрболор, Монгол Улсын Ерөнхийлөгчийн  Зөвлөх Ц.Эрдэнэбат нар 05 дугаар сарын 31-ний өдөр “Сэлэнгийн долгио” чуулгад гардуулан өглөө. Энэ өдөр Хөдөлмөрийн гавьяаны улаан тугийн одонгоор 8, Цэргийн гавьяаны улаан тугийн одонгоор 1, Алтан гадас одонгоор 63, Цэргийн гавьяаны одонгоор 3, Хөдөлмөрийн хүндэт медалийг 19 хүн энгэртээ гялалзууллаа.