Монгол Улсын Ерөнхийлөгчийн санаачилгаар нэг тэрбум мод тарих үндэсний хөдөлгөөнийг Сэлэнгэ аймгийн хэмжээнд зохион байгуулах нээлтийн үйл ажиллагаа өнөөдөр буюу 2021 оны 10 дугаар сарын 15-ны өдөр боллоо.
Сэлэнгэ аймгийн иргэдийн Төлөөлөгчдийн Хурлын Төлөөлөгчид болон Ажлын албаны ажилтнууд “Тэрбум мод” тарих үндэсний хөдөлгөөнд нэгдэж оролцсон юм. Сэлэнгэ аймгийн хэмжээнд тэрбум мод тарих үндэсний хөдөлгөөнд жилд 3 сая мод буюу 10 жилд 30 сая модыг тарьж ургуулахаар зорьж байгаа талаар аймгийн Засаг даргын орлогч, аймгийн ИТХ-ын төлөөлөгч Ц.Рэгзэдмаа нээлтийн үеэр онцлон дурьдлаа.
Нээлтийн арга хэмжээнд төр төсвийн болон орон нутгийн 40 гаруй байгууллагуудын 400 орчим ажилтан, албан хаагчид оролцож Тужийн нарсны байгалийн цогцолборт газрын 1 га талбайд 2200 ширхэг 2 наст нарсыг тарьж суулгалаа. Аймгийн ИТХ-ын Төлөөлөгчид өөрсдийн сонгогдсон тойргийн сумдадаа “Тэрбум мод” үндэсний хөдөлгөөнд нэгдэн оролцож байна.
