Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.2 дахь заалт, 48 дугаар зүйлийн 48.1 дэх хэсгийг тус тус үндэслэн аймгийн ИТХ-ын анхдугаар хуралдаанд оролцсон Төлөөлөгчдийн олонхын саналаар Сэлэнгэ аймгийн иргэдийн Төлөөлөгчдийн Хурлын даргаар Ганчулуун овогтой БАТ-ОРХОНЫГ сонголоо.

Ганчулууны Бат-Орхон нь Сэлэнгэ аймгийн Орхон сумаас аймгийн иргэдийн Төлөөлөгчдийн Хуралд 2016-2020, 2020-2024, 2024-2028 онуудад гурав дахь удаа сонгогдон ажиллаж байгаа юм. Хурлын ахмад төлөөлөгч, анхдугаар хуралдаан даргалагч Б.Отгонбаяр Хурлын дарга Г.Бат-Орхонд аймгийн иргэдийн Төлөөлөгчдийн Хурлын тамгыг гардуулан өглөө.