Аймгийн ИТХ-ын дарга С.Түмэнбаяр, аймгийн Засаг дарга Т.Энхтүвшин, Сайншанд сумын Засаг дарга бөгөөд хотын захирагч С.Одбаяр нар болон бусад албаны хүмүүс  04 дүгээр сарын 27-ны өдөр Дорноговь аймгийн Засаг даргын ивээл дор, Дорноговь аймгийн Ахмадын холбооноос зохион байгуулж буй “Ахмадаа дээдэлж, Ачийг санана” шинэчлэгдсэн “Ахмад настны хууль”-ийг хүлээн авах ёслол хүндэтгэлийн ажиллагаанд оролцлоо.

Тус арга хэмжээнд МАхХ-ын ерөнхийлөгч Ц.Сүхбаатар, аймгийн ИТХ-ын дарга С.Түмэнбаяр, аймгийн Засаг дарга Т.Энхтүвшин, Сайншанд сумын Засаг дарга бөгөөд хотын захирагч С.Одбаяр, аймгийн Ахмадын хорооны дарга С.Ичинхорлоо нар  ахмадуудад шагнал гардуулан хүндэтгэл үзүүлсэн юм. Аймгийн ИТХ-ын даргын өргөмжлөлөөр М.Чулуун, Ц.Нэргүй нарыг тус тус шагналаа.