Олон Улсын Хүүхдийн эрхийг хамгаалах өдрийг тохиолдуулан Монгол Улсын Ерөнхийлөгчийн 2017 оны 05 дугаар сарын 25-ны өдрийн 108 дугаар зарлигаар Олон  хүүхэд төрүүлж,  өсгөн хүмүүжүүлсэн Дорноговь  аймгийн  харьяат эхчүүдэд нийт 1 дүгээр зэргийн одонг 10 эхэд, 2 дугаар зэргийн одонг 137 эхэд тус тус олгосноос өнөөдөр “Соёмбо цогцолбор”-ын Хүндэтгэлийн өргөөнд Сайншанд сумын 1,2,3,4,6,7 дугаар багийн эхчүүдэд “Алдарт эх”-ийн нэг, хоёрдугаар зэргийн одонг аймгийн  аймгийн ИТХ-ын дарга С.Түмэнбаяр, аймгийн Засаг даргын орлогч Г.Эрдэнэцэцэг, аймгийн ЗДТГ-ын дарга Б.Ганзориг, Сайншанд сумын ИТХ-ын дарга Д. Эрдэнэбаяр, Сайншанд сумын Засаг дарга бөгөөд Хотын захирагч С.Одбаяр нар тус тус гардуулан өглөө.

 Мөн энэ өдөр Монгол Улсын Ерөнхийлөгчийн 2017 оны 03 дугаар сарын 15-ны өдрийн 48 дугаар зарлигаар олгогдсон Төрийн дээд одон медалийг аймгийн ИТХ-ын дарга С.Түмэнбаяр гардуулан өглөө.Төрийн дээд шагнал авсан иргэд Үүнд:

1. “Алтан гадас” одонгоор - Сайншанд сумын 4 дүгээр багийн өндөр настан Гончигдоржийн Дорждэрэм
   
2. “Хөдөлмөрийн хүндэт медаль”-аар - Сайншанд сумын 4 дүгээр багийн өндөр настан Буяндэлгэрийн Гүнжидмаа, Худалдаа эд хэрэглэгчдийн хоршооны нягтлан бодогч Мөнхийн Чимэдцэеэ
   
3. “Цэргийн хүндэт медаль”-аар - Шүүхийн шийдвэр гүйцэтгэгч албаны ахлах шийдвэр гүйцэтгэгч Доржсүрэнгийн Энхцэцэг нар тус бүр энгэрээ мялаалаа. Нийт шагнал авсан иргэдийнхээ цаашдын ажил, амьдралд нь сайн сайхан бүхнийг хүсэн ерөөе.