Дорноговь аймгийн Иргэдийн Төлөөлөгчдийн Хурлын ажлын алба, сумдын Иргэдийн Төлөөлөгчдийн Хурлын хамтын ажиллагааг сайжруулах, сайн туршлагыг солилцон хэрэгжүүлэх зорилгоор 14 сумдын ИТХ-ын дарга, нарийн бичгийн дарга нарыг хамруулсан туршлага судлах, чадавх бэхжүүлэх сургалт 09 дүгээр сарын 08,09-ний өдрүүдэд Уламжлалт анагаах ухаан, рашаан сувиллын газрын харьяа “Халзан уул” рашаан сувиллын газарт зохион байгуулагдлаа.

Сургалт “Сумдын ИТХ-ын үйл ажиллагааг үнэлж дүгнэх журам”-ын төслийг танилцуулж, санал авах; Захиргааны ерөнхий хуулийг хэрэгжүүлэхэд анхаарах асуудал; цахим сайтыг хөгжүүлэх, мэдээлэл тавихад анхаарах  нь; иргэдийн оролцоог дээшлүүлэх болон дотоод үйл ажиллагаагаа сайжруулахад өгөх чиглэл; сумдын сайн туршлагатай танилцах, санал солилцох гэсэн үндсэн сэдвүүдийн хүрээнд болж өнгөрсөн юм.

Мөн  энэ үеэр Дорноговь аймгийн Даланжаргалан сумын “Их нарт”-ын тусгай хамгаалалтын газартай танилцлаа.