Монгол Улсын шинэ Үндсэн хууль батлагдсан өдөрт зориулсан Улсын Их Хурлын дарга Миеэгомбын Энхболдын ивээл дор аймаг болон нийслэлд 2017 оны 12 дугаар сарын 09, 10-ны өдрүүдэд нэгэн зэрэг зохион байгуулагдаж байгаа Шатар сонирхогчдын 2017 оны аймгийн аварга шалгаруулах тэмцээн Сайншанд сумын ЕБ-ын 1 дүгээр сургуулийн соёлын танхимд нээлтээ хийлээ.
Тус тэмцээнд Дорноговь аймгийн хэмжээнд нийт 138 эрэгтэй, 43 эмэгтэй тамирчид оролцсоноос хагас шигшээд эрэгтэй 41, эмэгтэй 12 нийт 53 тамирчин шалгарсан юм.
Тэмцээнээс шалгарсан эрэгтэй 1, 2 дугаар байр, эмэгтэй 1 дүгээр байр эзэлсэн тамирчид 2018 оны 01 дүгээр сарын 06-нд болох шатар сонирхогчдын Улсын аварга шалгаруулах тэмцээнд оролцох эрхээ авна.
