Монгол Улсад шинэ Үндсэн хууль батлагдсаны ойг жил бүрийн 01 дүгээр сарын 13-ны өдөр улс орон даяар тэмдэглэн өнгөрүүлдэг билээ. Энэхүү ажлын хүрээнд Дорноговь аймгийн Иргэдийн Төлөөлөгчдийн Хурлаас 2018 оны 01 дүгээр сарын 14-ний өдрийн 14 цагаас хүчит бөхийн барилдааныг амжилттай зохион байгууллаа.

Тус арга хэмжээг нээн Дорноговь аймгийн ИТХ-ын дарга С.Түмэнбаяр ойн хүрээнд хийгдсэн ажлуудаас товч танилцуулж, хуран чуулсан түмэн олондоо мэндчилгээ дэвшүүллээ. Мөн бөхийн барилдаанд аймгийн ИТХ-ын тэргүүлэгч Ж.Болор-Эрдэнэ, аймгийн ИТХ-ын төлөөлөгч С.Баттогоо, Ж.Сүхбаатар болон Монгол Улсын шинэ Үндсэн хууль батлалцсан Ардын Их Хурлын депутат Б.Нямдорж, аймгийн ЗДТГ-ын дарга Б.Ганзориг нар уригдан оролцлоо.

Хүчит бөхийн барилдаанд Дорноговь аймгийн харьяа аймаг, сумын цолтой нийт 32 бөх зодоглосноос Дорноговь аймгийн Хөвсгөл сумын харьяат аймгийн начин Б.Бат-Эрдэнэ түрүүлж, Хөвсгөл сумын харьяат аймгийн арслан Б.Батзориг үзүүрлэлээ. Мөн их шөвөгт Айраг сумын харьяат аймгийн харцага М.Жаргалсайхан, Сайхандулаан сумын харьяат сумын заан Б.Түвшинтулга нар шалгарч үзэгч олныг баярлууллаа.