Дорноговь, Говьсүмбэр аймаг дахь цагдаагийн газар, хэлтсийн нэрэмжит Цагдаа, Дотоодын цэргийн 2018 оны аварга шалгаруулах Шатрын тэмцээн өнөөдөр амжилттай зохион байгуулагдаж өндөрлөлөө.

Тус тэмцээнд Дорноговь, Говьсүмбэр, Баянхонгор, Говь-Алтай, Дундговь, Төв аймгуудын цагдаагийн газар, Нийслэлийн цагдаагийн газар, Дотоодын цэргийн 05, 805 дугаар ангиуд, ЦЕГ-ын Ахмадын зөвлөл зэрэг 19 байгууллагын эмэгтэй 11, эрэгтэй 19 нийт 30 тамирчин оролцсоноос багийн дүнгээр Төв аймгийн Цагдаагийн газар тэргүүллээ.

Эрэгтэй тамирчдаас:

1-р байр Ч.Батбаатар /Төв аймгийн ЦГ/

2-р байр Г.Идэрбаатар /Хан-Уул дүүргийн ЦГ/

3-р байр Г.Ганбаатар /Дорноговь аймгийн ЦГ/

Эмэгтэй тамирчдаас:

1-р байр А.Энхтуул /Дотоодын цэргийн 805-р анги/

2-р байр М.Саранцэцэг /Баянхонгор аймгийн ЦГ/

3-р байр С.Отгонтөгс /ЦЕГ-ын автобааз/ ур чадвараараа манлайлан тэргүүлэв.

Тэмцээний үйл ажиллагаанд Аймгийн Иргэдийн Төлөөлөгчдийн Хурлын дарга С.Түмэнбаяр оролцож тамирчдад болон нийт албан хаагчдад амжилт хүсэв.