Аймгийн хэмжээнд гэр бүлийн хүчирхийлэл, хүүхдийн эсрэг гэмт хэрэгтэй тэмцэх, түүнээс урьдчилан сэргийлэх чиглэлээр хийгдэж байгаа үйл ажиллагааны талаарх аймгийн Засаг даргын илтгэл мэдээллийг аймгийн ИТХ-ын Тэргүүлэгчдийн 2018 оны 04 дүгээр сарын 20-ны өдрийн 6 дугаар хурлаар иргэдийн төлөөлөл болон хэвлэл мэдээллийн төлөөллийг  оролцуулан хэлэлцлээ.

            Тус үйл ажиллагааг Дорноговь аймагт зохион байгуулагдсан хүүхдийн  хүчирхийллийн эсрэг  “Дахин тэвчихгүй” тайван жагсаал цуглаанд нэгдсэн эцэг, эхчүүдээс гаргасан “Хүүхдэд ээлтэй орон нутаг” шаардлага, уриалга, МАХН-аас гаргасан саналын дагуу зохион байгуулсан бөгөөд тайван жагсаал цуглаан зохион байгуулсан эцэг эхийн төлөөллөөс оролцож асуулт асууж, холбогдох албанаас хариулт өгөх байдлаар ажиллалаа.