Аймгийн ИТХ, аймгийн ЗДТГ-аас 2018 оны үйл
ажиллагаагаараа тэргүүлсэн сумын ИТХ, сум, агентлаг, хамт олон, иргэд, албан
хаагчдад шагнал гардуулах үйл ажиллагаа өнөөдөр буюу 01 дүгээр сарын 28-ны өдөр
Соёмбо цогцолборын Хүндэтгэлийн өргөөнд амжилттай зохион байгуулагдлаа.
Тус үйл
ажиллагаанд УИХ-ын гишүүн Б.Дэлгэрсайхан, аймгийн ИТХ-ын дарга С.Түмэнбаяр,
аймгийн Засаг дарга Т.Энхтүвшин нар оролцож нийт хүрэлцэн ирсэн байгууллага,
хамт олон, албан хаагчдад мэндчилгээ дэвшүүлж, баяр хүргэв.
Аймгийн
ИТХ-ын Тэргүүлэгчдийн хуралдааны 2017 оны 09 дүгээр сарын 15-ны өдрийн 72
дугаар тогтоолоор баталсан “Сумдын ИТХ-ын үйл ажиллагааг үнэлж, дүгнэх
журам”-ын дагуу тайлан мэдээг холбогдох шалгуур үзүүлэлтүүдийг харьцуулан жил
бүр үнэлж, дүгнэн шалгаруулдаг уламжлалтай болсон билээ. Энэхүү журмын дагуу
үнэлж, дүгнэсний эцсийн дүнгээр үйл ажиллагаа, тайлан мэдээ бүхий л чиглэлээр
тэргүүлэн ажилласан Өргөн, Хатанбулаг, Иххэт, Мандах, Замын-Үүд сумдыг шагнан
урамшууллаа.
Мөн “Төрийн
албаны тэргүүний ажилтан” цол тэмдгээр 3, “Санхүү-банкны тэргүүний ажилтан” 1,
“Онц тээвэрчин” цол тэмдгээр 1, аймгийн “Алдарт уяач” цол тэмдгээр 25, аймгийн
“Тэргүүний сум”-аар Замын-Үүд, Шилдэг сумаар Сайншанд, Өргөн, Хатанбулаг,
аймгийн “Шилдэг агентлаг”-аар аймгийн Татварын хэлтэс, Цагдаагийн газар, Онцгой
байдлын газар, Газрын харилцаа, барилга хот байгуулалтын газар, Боловсрол, соёл
урлагийн газар, аймгийн “Тэргүүний хамт олон”-оор 5, “Тэргүүний ажилтан”-аар 8
ажилтныг тус тус шагнан урамшууллаа.
АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ
