Аймгийн ИТХ-ын Тэргүүлэгчдийн 2017 оны 09 дүгээр сарын 15-ны өдрийн 72 дугаар тогтоолоор батлагдсан “Сумдын Иргэдийн Төлөөлөгчдийн Хурлын үйл ажиллагааг үнэлж, дүгнэх журам”-ын дагуу сумдын 2019 оны үйл ажиллагааг нэгтгэн дүгнэж, аймгийн ИТХ-ын Тэргүүлэгчдийн 2020 оны 02 дугаар хуралдаанаар хэлэлцэн баталсан юм.

Идэвх зүтгэл гарган үр бүтээлтэй ажилласан Замын-Үүд, Өргөн, Сайншанд, Хөвсгөл, Эрдэнэ сумд “Хангалттай сайн” үнэлэгдэн шалгарлаа. Тэргүүлэн шалгарсан сумдыг Өргөмжлөл, мөнгөн шагналаар шагнан урамшууллаа.

Нутгийн өөрөө удирдах ёсыг бэхжүүлэх үйлс, орон нутгийнхаа хөгжил дэвшил, ард иргэдийнхээ сайн сайхны төлөөх цаашдын ажил хөдөлмөрт нь өндөр амжилт хүсэн ерөөе. 

ДОРНОГОВЬ АЙМГИЙН ИРГЭДИЙН ТӨЛӨӨЛӨГЧДИЙН ХУРАЛ