Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулинд цаазаар авахуулах ялаар шийтгүүлсэн хэлмэгдэгчдийн эхнэр, нөхөр, төрсөн болон үрчилж авсан хүүхдэд нь 80 сая төгрөгийн нөхөх олговрыг олгохоор хуульчилсан байдаг. Ийнхүү хэлмэгдэгч З.Сэрдамбын төрсөн охин Лувсангийн Даарийжав, хэлмэгдэгч Ц.Банзрагчийн төрсөн охин Түмэнгийн Пунцагдорж нарын тус бүрийн 80,0 сая төгрөгийн нөхөх олговрыг цаг үеийн нөхцөл байдалтай холбогдуулан аймгийн ИТХ, Цагаатгах ажлыг удирдан зохион байгуулах салбар комиссын дарга С.Түмэнбаяр өөрийн биеэр Замын-Үүд суманд очиж гардуулан өглөө.