Өнөөдөр буюу 04 дүгээр сарын 06-ны өдөр УИХ-ын хаврын чуулганы нээлт боллоо. Нээлтэд 21 аймаг цахимаар оролцсоноос Дорноговь аймгийн ИТХ-ын зарим төлөөлөгчид, агентлагийн дарга нар оролцсон юм.

УИХ-ын дарга Г.Занданшатар хаврын чуулганаар хэлэлцэх асуудлын дарааллыг танилцуулснаар хаврын чуулган эхэллээ. Тус хуралдаанаар УИХ-ын чуулганы хуралдааны дэгийн тухай хуульд нэмэлт оруулах тухай, “СОVID-19 цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай” тогтоолын төсөл, Гаалийн албан татвараас чөлөөлөх тухай хуулийн төслийг хэлэлцэнэ. Мөн Улсын тэмдэгтийн хураамжийн тухай хуульд нэмэлт, өөрчлөлт оруулах тухай, Төрийн аудитын хуулийн шинэчилсэн найруулгын төсөл, “АЛСЫН ХАРАА-2050” Монгол Улсын урт хугацааны хөгжлийн үзэл баримтлал, “Өвөрхангай аймгийн Арвайхээр, Тарагт сум, Баян-Өлгий аймгийн Өлгий, Бугат сумдын хилийн цэсэд өөрчлөлт оруулах тухай” тогтоолын төслийг хэлэлцэх юм.