/2021.11.03/Монгол Улсын Засгийн газрын Хэрэг эрхлэх газрын дэд дарга У.Бямбасүрэн, Швейцарын хөгжлийн агентлагийн Хамтын ажиллагааны захирал Стефани Бурри болон ажлын хэсгийн төлөөлөл аймгийн удирдлагуудтай уулзлаа.

Энэ үеэр Засгийн газрын Хэрэг эрхлэх газар, Швейцарын хөгжлийн агентлаг хамтран зохион байгуулж буй Төвлөрлийг сааруулах бодлогын дэмжлэг төсөл, Нутгийн өөрөө удирдах байгууллагын институцийн чадавхыг бэхжүүлэх нь төслүүдийн явц үр дүнгийн талаарх хэлэлцүүлэг боллоо. Хэлэлцүүлэгт ИТХ-ын төлөөлөгчдийн төлөөлөл, ажлын алба оролцож орон нутгийн засаглалын талаарх хуулиудын хэрэгжилт, Иргэдийн Төлөөлөгчийн Хурлын зохион байгуулалт, хяналт, үйл ажиллагаа, орон нутаг дахь төрийн үйлчилгээний чанарыг сайжруулах талаар санал солилцсон юм.