Өнөөдөр /2023.05.26/ аймгийн ИТХ-ын дарга Б.Ганзориг төгсөлтийн баяраа тэмдэглэж байгаа АШУҮИС-ийн Дорноговь аймаг дахь салбар Анагаах Ухааны Сургуулийн удирдлагууд, эрдэмтэн багш, ажилтан болон нийт төгсөгчдөд баяр хүргэж, мэндчилгээ дэвшүүлэн энгэрийн тэмдэг, дипломыг гардуулж өглөө.

2022-2023 оны хичээлийн жилд 4 мэргэжлээр нийт 166 оюутан бакалавр болон дипломын сургалтыг дүүргэж, хүн ардынхаа эрүүл мэнд, амь насыг сахин хамгаалах, энэрэнгүй үйлсийн төлөө өөрийн ухамсарт амьдрал, ажил хөдөлмөрөө зориулах итгэлийг өвөрлөн эмч, эмнэлгийн мэргэжилтэн болж төгсөж байна.

Бусдын амь нас, эрүүл мэнд, сайн сайхны төлөө өөрийгөө зориулж чаддаг хүнлэг энэрэнгүй үйлстэн Та бүхний ариун үйлс өөдрөг байж, олон гэр бүлд эрүүл энх, баяр баясал бэлэглэх цаглашгүй их үйлс тань өлзийтэй байхын сайхан ерөөлийг өргөн дэвшүүлье.