Өнөөдөр /2023.05.28/ Олон улсын хүүхдийн эрхийг хамгаалах өдрийг угтан Олон хүүхэд төрүүлж өсгөсөн эхийг урамшуулах тухай хууль болон Монгол Улсын Үндсэн хуульд заасан бүрэн эрхийнхээ хүрээнд Монгол Улсын Ерөнхийлөгчийн гаргасан зарлигийг аймгийн ИТХ-ын дарга Б.Ганзориг уншиж сонордууллаа.Улсын хэмжээнд нийт 10,785 ээж алдарт эхийн I, II зэргийн одонгоор шагнагдаж байгаа бол Дорноговь аймгийн хэмжээнд Алдарт эхийн 1-р одонгоор 15, 2-р одонгоор 218, нийт 233 ээж алдарт эхийн одонгоор шагнагдаж байна.Энэхүү баярт мөчийг УИХ-ын гишүүн Б.Дэлгэрсайхан, УИХ-ын гишүүн Т.Энхтүвшин болон орон нутгийн удирдлагуудын хамт хуваалцаж Алдарт ээжүүдийг алдаршууллаа.Нарт ертөнцөд амар амгалан, аз жаргал авчирдаг орчлонгийн сайхан ээжүүд, эмэгтэйчүүд Та бүхний өргөө гэр инээд баяслаар цалгиж, үр хүүхдүүд нь дүүрэн жаргалтай, өнөр бүлээрээ энх тунх, үе удмаараа өнө мөнх жаргаж байхын өлзийтэй сайхан ерөөлийг өөд өөд нь өргөн дэвшүүлье.
