/2023.06.09/“Нээлттэй Дорноговь” зорилтот жил, Говийн V Ноён хутагт Данзанравжаагийн мэлмий гийсний 220 жилийн ойг тохиолдуулан уламжлал болгон зохион байгуулдаг Олон Улсын эрдэм шинжилгээний VI дугаар хурлыг өнөөдөр“НОЁН ХУТАГТЫН ӨВ: ӨНГӨРСӨН, ОДОО, ИРЭЭДҮЙ” сэдвийн дор зохион байгуулж байна.

Тус эрдэм шинжилгээний хуралд аймгийн Иргэдийн Төлөөлөгчдийн хурлын дарга Б.Ганзориг, аймгийн Засаг дарга О.Батжаргал, сумдын удирдлагууд, 40 эрдэмтэн, судлаач оролцож байгаагийн 5 нь гадаадын эрдэмтэн судлаачид бөгөөд энэхүү хурлаар Ноён хутагтын намтар, бүтээлд холбогдох судалгаа, гадаад дахь ноён хутагт судлал, өв хүн төрөлхтний соёлын өв, шашин, гүн ухааны судалгаа, урлаг, утга зохиол, соёлын судалгаа, түүхэнд холбогдох аман түүх, хууч яриа болон ноён хутагтын түүхэн дурсгалт газрууд гэсэн сэдвээр илтгэл тавигдах юм.