Монгол Улсын Их Хурлын 1996 оны 8 дугаар сарын 29-ний өдрийн 33 дугаар тогтоолоор Улс төрийн хилс хэрэгт хэлмэгдэгчдийг санан дурсах, тэдний гэгээн дурсгалыг мөнхжүүлэх өдрийг тэмдэглэн өнгөрүүлэх шийдвэрийг гаргаж уг өдрийг улс орон даяар тэмдэглэж ирснээр эдүгээ 28 дахь жилдээ тэмдэглэн өнгөрүүлж байна.Энэхүү өдрийг тохиолдуулан аймгийн ИТХ, Цагаатгах ажлыг удирдан зохион байгуулах комиссын дарга Б.Ганзориг, аймгийн ИТХ-ын нарийн бичгийн дарга Ц.Батсугир нар улс төрийн хилс хэрэгт хэлмэгдэгсдийн ар гэр, үр хүүхдийг хүлээн авч уулзан санал хүсэлтийг сонсож, хүндэтгэл үзүүллээ.1998 онд УИХ Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийг баталж, 17 мянга орчим хүнд нийтдээ 16 тэрбум төгрөгийн нөхөн олговрыг олгож байв. Улс төрийн хилс хэрэгт шийтгэгдсэн 31604 хүнд холбогдох 10226 хэргийг цагаатгажээ. Бүрэн бус мэдээгээр Монголд 37 мянган орчим хүнийг хэлмэгдүүлсэн гэж үздэг.Манай аймгийн хэмжээнд 1439 хүн ямар нэгэн байдлаар хэлмэгдүүлэлтэд өртөж 1036 хүн цаазаар хороох ял, 303 хүн хорих ялаар шийтгэгдсэн тоо баримт байдаг.Одоогоор аймгийн хэмжээнд цагаатгалын нөхөн олговор олгох хуулийн дагуу 33 иргэнд нөхөн олговрыг журмын дагуу олгосон бол, 5 иргэн хүлээгдэж байна.
