/2024.05.04/УИХ-ын гишүүн Б.Дэлгэрсайхан, УИХ-ын гишүүн Т.Энхтүвшин, аймгийн ИТХ-ын дарга Б.Ганзориг, аймгийн Засаг дарга О.Батжаргал нар “Чандмань илч” ОНӨ ХХК-ийн "Хаврын баярт" оролцлоо.
“Чандмань илч” ОНӨ ХХК нь төвийн 8 хэсэг, алслагдсан 9 салбартайгаар 363 хүний бүрэлдэхүүнтэй үйл ажиллагаа явуулж байна. Даланжаргалан, Дэлгэрэх, Хатанбулаг, Хөвсгөл, Алтанширээ, Сайншанд төмөр замд шинээр салбаруудыг байгуулснаар 100 хувь ажилчдаар хангагдан ажиллаж байгаа гэдгийг “Чандмань Илч” ОНӨ ХХК-ийн захирал Д.Эрдэнэбаяр танилцууллаа.
Үйл ажиллагааны үеэр салбартаа олон жил идэвх санаачилгатай ажилласан албан хаагчдыг салбарын болон аймгийн ИТХ-ын даргын өргөмжлөлөөр тус тус шагнаж урамшууллаа.
“Чандмань илч” ОНӨ ХХК-ийн хамт олонд ажлын амжилт хүсье.
