/2025.03.31/ Дорноговь аймгийн ИТХ-ын дарга тэргүүтэй аймгийн ИТХ-ын төлөөлөгчид БНХАУ-ын ӨМӨЗО-ны Шилийн гол аймагт 03 дугаар сарын 24-26-ны өдрүүдэд айлчилж Шилийн гол аймгийн орлогч дарга Жи Гүйли, Шилийн гол аймгийн Ардын төлөөлөгчдийн их хурлын ажлын хорооны орлогч дарга Бай Юн Чунь нар угтан авлаа.

Албан уулзалтаар хоёр аймгийн найрамдалт харилцааг хөгжүүлж, байгаль орчин, сэргээгдэх эрчим хүч, эрүүл мэнд, аялал жуулчлал, хөдөө аж ахуйн салбаруудад харилцан ашигтай хамтын ажиллагааг өргөжүүлэх уриалгад 2 тал санал нэгдлээ.

Мөн айлчлалын хүрээнд Сөнөд зүүн хошуун дахь мал аж ахуйн хоршоо, Авга хошууны гүүний сүүний үйлдвэрлэл, Шилийн гол аймаг дахь махны үхрийн эрчимжүүлсэн ферм, сэргээгдэх эрчим хүчний тоног төхөөрөмжийн үйлдвэр, бяслагийн үйлдвэр, ил уурхайн байгаль орчны нөхөн сэргээх үйл ажиллагаатай танилцлаа.