/2025.05.21/ Гэмт хэрэг зөрчлөөс урьдчилан сэргийлэх ажлыг иргэд, олон нийтэд сурталчлах, хүний нөөцийг нөхөн бүрдүүлэх зорилгоор "Өнөөдөр сонго, маргааш бүтээе" нээлттэй хаалганы өдөрлөгийг аймгийн иргэдийн Төлөөлөгчдийн Хурал, аймгийн Засаг Даргын Тамгын Газрын Хууль, эрх зүйн хэлтэс, аймгийн Цагдаагийн газар, Дотоодын цэргийн 834 дүгээр тусгай салбар хамтран зохион байгууллаа.

Тус өдөрлөгөөр аймгийн Цагдаагийн газар, Дотоодын цэргийн 834 дүгээр тусгай салбарын үйл ажиллагааг сурталчлах, иргэд, хүүхэд багачуудад мэдээлэл өгөх, ажилд орох иргэдийн хүсэлтийг хүлээн авах, иргэдийн өргөдөл гомдлыг хүлээн авч шуурхай шийдвэрлэх арга хэмжээг авч ажиллалаа.