2015 оны Үндэсний бөхийн өсвөр үеийн Монгол Улсын аварга шалгаруулах барилдаан 2015 оны 10-р сарын 2-4 өдрүүдэд Дорноговь аймгийн төв Сайншанд хотод аймгийн ЗДТГ, Монголын Үндэсний бөхийн холбоо, аймгийн Биеийн тамир спортын газар хамтран зохион байгуулах гэж байна. Барилдааныг 16, 17, 18 насны ангиллаар зохион байгуулах юм. Тэмцээний 16 насанд 1998.10.01-нээс 1999.10.01-ний хооронд төрсөн хөвгүүд, 17 насанд 1997.10.01-нээс 1998.10.01-ний хооронд төрсөн хөвгүүд, 18 насанд 1996.10.01-нээс 1997.10.01-ний хооронд төрсөн хөвгүүд тус тус барилдана. Нас бүрт 21 аймаг, нийслэлийн 9 дүүргээс аймаг, дүүргийн аварга шалгаруулах тэмцээнд түрүүлсэн тус бүр нэг бөх оролцоно.