Хүнс, хөдөө аж ахуйн яамнаас мал сүргийг гэмт халдлагаас хамгаалах, малын гоц халдварт өвчнөөс урьдчилан сэргийлэх, байгаль цаг агаарын талаарх мэдээ, мэдээллийг малчдад шуурхай хүргэх зорилго бүхий “Малчны лавлах-109” тусгай дугаарыг ажиллуулж эхлээд байна.
Уг тусгай дугаар руу харилцаа холбооны бүх оператор компаниудын утаснаас үнэ төлбөргүй холбогдох бөгөөд иргэд, малчдаас ирүүлсэн алдуул болон олдсон малын зарыг “МОЛОР” телевиз, Фм радио 88.8, www.todsurag.mn зэрэг хэвлэл мэдээллийн хэрэгслүүдээр зарлан мэдээлж байхаар болсон тул хэрэв малаа алдсан, мөн олсон бол эдгээр сувгуудад хандана уу.