"Чандмань илч" ХХК-ний 30 жилийн ойн баярын хүндэтгэлийн хуралд аймгийн ИТХ-ын дарга С.Түмэнбаяр оролцож үе үеийн ахмад буурлууд, удирдлагууд, нийт ажилчдад ойн баярын мэнд хүргэж цаашдын их ажил, хөдөлмөрт нь амжилт бүтээлийн дээдийг хүсэн ерөөж дурсгалын зүйл гардууллаа. Мөн олон жил тогтвор суурьшилтай ажиллаж, хамт олноо манлайлан ажилласан Дулааны станцын ахлах машинист Далхаагийн Ганбаатар, Ус хангамжийн насос станцын машинист ажилтай Нацагдоржийн Сайнбаярыг тус тус аймгийн ИТХ-ын даргын Өргөмжлөл, мөнгөн шагналаар шагнав.