Дорноговь аймаг нь ажлын байрны хүрэлцээ сайн, нэг хүнд ноогдож буй зээлийн хэмжээ өндөр, хамгийн олон банкны салбартай, дээд боловсрол эзэмшсэн иргэдийн ур чадвар сайн, шилжилт хөдөлгөөн, хүмүүсийн төлөв байдал сайн зэрэг үзүүлэлтүүдээр давуу талтай гэсэн судалгаа гарсан байна.
2016 оны 11 дүгээр сарын 3,4-ны өдрүүдэд Дундговь аймгийн төв Мандалговь хотод “Говийн бүсийн өрсөлдөх чадварын чуулган 2016” уулзалт хэлэлцүүлэг зохион байгуулагдаж байна. Тус чуулга уулзалтад Дорноговь аймгийн ИТХ-аас дарга С.Түмэнбаяр, төлөөлөгч Ж.Болор-Эрдэнэ, Л.Цэцэгдарь нар оролцож байна. Энэ чуулга уулзалтын гол зорилго нь хөрш зэргэлдээ говийн 3 аймгийн өрсөлдөх чадварын давуу тал болон сул тал, давуу талаа ашиглан хөгжлийн тулгуур салбаруудаа хэрхэн хамтран хөгжүүлж, хөгжлийн жишиг бүс болох талаар хэлэлцэхэд оршиж байгаа юм.
