Оюуны спортын нэг төрөл болох даамын спорт манай оронд үүсч хөгжөөд 60 гаруй жилийн нүүрийг үзээд байгаа билээ. Даамын спорт анх 17-р зуунд Франц улсад үүссэн түүхтэй. Дэлхийн даамны холбоо 1947 онд байгуулагдсан бөгөөд Монгол Улс 1991 онд дэлхийн даамын холбоонд элссэн байна.

Узбекийн Ташкент хотноо зохиогдох Ази тивийн аварга шалгаруулах тэмцээнд ухаан сорьж, амжилтын буухиагаа үргэлжлүүлэхээр Дорноговь аймгийн даамын холбооны Баярсайханы Мөнх-Эрдэнэ, Ганбатын Шинэсаран, Отгонбатын Тэмүүлэн нар Монгол Улсаа төлөөлөн оролцохоор бэлтгэл ажлаа хангаад байна. Энэхүү тамирчдыг Аймгийн ИТХ-ын дарга хүлээн авч уулзан арвин их амжилттай ирэхийг хүсэн ерөөгөөд дэмжлэг үзүүллээ.