Улсын Их Хурлын 39 дүгээр тогтоолын дагуу УИХ-ын Тамгын газраас зохион байгуулж буй Монгол Улсын Үндсэн хуульд оруулах нэмэлт, өөрчлөлтийн төслийн талаарх ээлжит сургалт хэлэлцүүлэг өчигдөр буюу 2017 оны 08 дугаар сарын 21-ний өдөр тус аймгийн Замын-Үүд суманд, 2017 оны 08 дугаар сарын 22-ний өдөр Сайншанд суманд тус тус зохион байгуулагдлаа.

“Багануур-Зүүн өмнөд бүсийн Цахилгаан Түгээх Сүлжээ” төрийн өмчит хувьцаат компанийн Дорноговь аймаг дахь салбар үүсч байгуулагдсаны түүхт 20 жилийн ойн баярт зориулсан хүндэтгэлийн арга хэмжээ өнөөдөр Саран хөхөө театрт болж байгаа билээ.

Дорноговь аймгийн Цахилгаан түгээх сүлжээний 20 жилийн ойн баяр

Хүн ардынхаа эрүүл энхийг сахин хамгаалах их үйлсэд бие сэтгэл, оюун ухаан, авьяас чадвараа дайчлан, хоёргүй сэтгэлээр зүтгэн ажиллаж байсан ахмадууддаа, тэдний залгамж халаа болсон үе үеийн эмнэлгийн салбарын нийт ажилчид та бүхэндээ Эрүүл мэндийн салбарын ажилтны баярын мэндийг Дорноговь аймгийн Иргэдийн Төлөөлөгчдийн Хурлын нэрийн өмнөөс болон хувиасаа өргөн дэвшүүлж байна.

Монгол улсад төмөр замын салбар үүсч хөгжсөний 79 жил, УБТЗ ХНН байгуулагдсаны 68 жилийн ойн баярын өдрийг тохиолдуулан төмөр зам хэмээх их айлын тулгын чулуу болж, төмөр замын тээврийг үүсгэн байгуулж, хөгжүүлэхэд хүчин зүтгэсэн ахмад төмөр замчид, тэдний залгамж халаа болсон үе үеийн төмөр замчиддаа Дорноговь аймгийн Иргэдийн Төлөөлөгчдийн Хурлын нэрийн өмнөөс болон хувиасаа ажил хөдөлмөрийн өндөр амжилт, сайн сайхан бүхнийг хүсэн ерөөж, халуун баяр хүргэе.

Тулгар төр байгуулагдсаны 2226, Их Монгол Улс байгуулагдсаны 811, Ардын хувьсгалын 96, Дорноговь аймаг үүсгэн байгуулагдсаны 86, Сайншанд сум үүсгэн байгуулагдсаны түүхт 56 жилийн ойн баярыг тохиолдуулан аж үйлдвэр, хууль эрх зүй, эрүүл мэнд, эдийн засаг, боловсрол, соёл, спорт, харилцаа холбоо, худалдаа үйлчилгээ, мал аж ахуй, газар тариалан болон төрийн бус байгууллагад олон жил үр бүтээлтэй ажилласан Дорноговь аймгийн харьяат иргэдэд Монгол Улсын Ерөнхийлөгчийн 2017 оны 07 дугаар сарын 06-ны өдрийн 170 дугаар зарлигаар олгогдсон Төрийн одон, медалийг баяр наадмын хүндэтгэлийн хурлын арга хэмжээний үеэр гардуулан өглөө.

Дорноговь аймгийг 2016-2020 онд хөгжүүлэх үндсэн чиглэлд тусгагдсан ажлуудын нэг болох Сайншанд сумын 1 дүгээр багийн нутаг дэвсгэрт “Хүүхэд залуучуудын цэцэрлэгт хүрээлэн”-г шинээр бий болгож ашиглалтад оруулах ажил биеллээ олж, өнөөдөр буюу 2017 оны 07 сарын 27-ны өдөр нээлтийн ёслолоо хийж албан ёсоор хүлээлгэн өглөө.

Эрхэм хүндэт Дорноговьчууд та бүхэндээ Тулгар төр байгуулагдсаны 2226, Их Монгол Улс байгуулагдсаны 811, Ардын хувьсгалын 96, Дорноговь аймаг үүсгэн байгуулагдсаны 86, Сайншанд сум үүсгэн байгуулагдсаны түүхт 56 жилийн ойн баярын мэндийг аймгийн Иргэдийн Төлөөлөгчдийн Хурлын нэрийн өмнөөс болон хувиасаа өөд өөд нь өргөн дэвшүүлж эрүүл энх, аз жаргал, сайн сайхан бүхнийг хүсэн ерөөе.

Эрх чөлөөт, тусгаар тогтносон Монгол Улсын нийт ард иргэддээ Тулгар төр байгуулагдсаны 2226, Их Монгол Улс байгуулагдсаны 811, Ардын хувьсгалын 96, Дорноговь аймаг байгуулагдсаны 86, Сайншанд хот үүсэн байгуулагдсаны түүхт 56 жилийн ойн баярын мэндийг аймгийн Иргэдийн Төлөөлөгчдийн Хурлын нэрийн өмнөөс болон хувиасаа өргөн дэвшүүлье.

Монгол Ардын намын дэргэдэх Нийгмийн Ардчилал Монголын Залуучуудын Холбооны түүхт 20 жилийн ойн баярын ёслолын арга хэмжээ өнөөдөр буюу 06 сарын 04-ний өдөр аймгийн Саран Хөхөө театрт зохион байгуулагдлаа. Тус арга хэмжээнд УИХ-ын гишүүн, НАМЗХ-ны Бодлогын зөвлөлийн гишүүн О.Содбилэг, УИХ-ын гишүүн Б.Дэлгэрсайхан, УИХ-ын гишүүн Г.Мөнхцэцэг, аймгийн удирдлагууд, НАМЗХ-ны дэд ерөнхийлөгч П.Батхүлэг, НАМЗХ-ны удирдах зөвлөлийн гишүүн Э.Нарантунгалаг, Дорноговь аймгийн НАМЗХ-ны дарга О.Ганбат болон мөн үе үеийн НАМЗХ-ны дарга, тэргүүлэгч, гишүүн, дэмжигч нар оролцлоо.

Аймгийн ИТХ-ын Хурлын 2016 оны 02/11 дүгээр тогтоолоор батлагдсан “Хөгжлийн төлөө хамтдаа” аймгийн Засаг даргын үйл ажиллагааны хөтөлбөрийн хүрээнд ИТХ-ын Тэргүүлэгчдийн 2017 оны 05-р сарын 10-ны өдрийн 44 дугаар тогтоолоор батлагдсан “Элэг бүтэн Дорноговь” аймгийн дэд хөтөлбөрийн нээлтийн үйл ажиллагаа 06-р сарын 04-ний өдөр аймгийн төв талбайд боллоо. Тус нээлтийн үеэр УИХ-ын гишүүн Б.Дэлгэрсайхан, Г.Мөнхцэцэг, аймгийн ИТХ-ын дарга С.Түмэнбаяр, аймгийн Засаг дарга Т.Энхтүвшин, Засаг даргын орлогч Г.Эрдэнэцэцэг, аймгийн ЭМГ-ын дарга Г.Энхцэцэг, Нэгдсэн эмнэлгийн дарга Ц.Мөнхбаясгалан нар оролцлоо.

Дорноговь аймаг болон Япон улсын Шизүока мужийн хоорондын хамтын ажиллагааны 6 жилийн ой энэ өдрүүдэд тохиож байна. Ойн өдрийг тохиолдуулан Шизүока мужийн Засаг даргын гадаад харилцааны зөвлөх Тоого Казухико тэргүүтэй төлөөлөгчид Дорноговь аймагт 6 дугаар сарын 04-ний өдөр айлчлал хийж байгаа бөгөөд энэ өдөр аймгийн Иргэдийн Төлөөлөгчдийн Хурлын дарга С.Түмэнбаяр хүлээн авч уулзлаа.

Өнөөдөр буюу Олон Улсын хүүхдийн эрхийг хамгаалах өдрийг тохиолдуулан Дорноговь аймгийн Гэр бүл, хүүхэд, залуучуудын хөгжлийн газраас “Хүүхэд гэр бүлдээ жаргалтай” уриан дор нээлттэй уулзалт, ярилцлага зохион байгууллаа.

Олон Улсын Хүүхдийн эрхийн өдрийг тохиолдуулан эх орон, төрөлх нутгийнхаа ирээдүй болсон хүүхэд багачууддаа, энэрэл хайрын дээд үлэмжийн төгс төгөлдөр эхчүүддээ баярын мэнд хүргэж, хүүхэд бүр элэг бүтэн, энх тунх, аз жаргалтай амьдарч, эрдэм боловсролтой сайн хүн болохын өлзийтэй ерөөлийг аймгийн Иргэдийн Төлөөлөгчдийн Хурлын нэрийн өмнөөс болон хувиасаа өргөн дэвшүүлье.

Дорноговь аймгийн Иргэдийн Төлөөлөгчдийн хурлын ээлжит 4-р хуралдаан 2017 оны 05-р сарын 30-ны өдөр 93,5 хувийн ирцтэйгээр аймгийн Нутгийн удирдлагын ордны хуралдааны танхимд эхэллээ.